saqarTvelos qedebi - Taboris qedi

თრიალეთის ქედის სამხრეთ-აღმოსავლეთი განშტოება თბილისის სამხრეთით, მდინარეების წავკისისწყალისა (ლეღვთახევი) და კრწანისისხევის წყალგამყოფი. აგებულია ვოცენური ტუფოგენური ქანებით, თაბაშირიანი თიხებითა და ქვიშაქვებით. ჩრდილოეთი და აღმოსავლეთი კალთები ციცაბოა, სამხრეთი - დამრეცი, თხემი მოვაკებულია და თანდათან მაღლდება აღმოსავლეთიდან (600 მ) დასავლეთისაკენ (1000 მ). ჩრდილოეთი კალთის პირას გამოდის გოგირდიანი ცხელი წყაროები, ქედი შემოსილია ბუჩქნარითა და ხელოვნური ნარგავებით.